Man 'té vet' vir normale begrafnis
2012-02-07 12:20
Johannesburg – 'n Gesin in Pretoria het ‘n beroep op die publiek en die regering gedoen om hulle by te staan om ‘n familielid te begrawe wat “te vet” is vir 'n normale begrafnis.
Eyewitness News het berig dat Chris Labuschagne by die Kalafong-hospitaal aan ‘n onbekende siekte dood is. Hy was baie oorgewig en het ongeveer 550 kg geweeg.
Die brandweer is verlede week ingestuur om te help om hom van Kalafong na sy huis in Pretoria-Wes te verskuif.
Sy familie sê nou hulle is in ‘n moeilike situasie en kan nie bekostig om hom te begrawe nie.
Labuschagne se lyk is na ‘n kkoelkamer by die George Mukhanie-hospitaal geneem, aangesien dit te groot is vir die hospitaal se lykhuis.
Die lyk is te groot om veras te word en dit sal sowat R4 000 kos om hom te begrawe, aangesien ‘n dubbele kis nodig sal wees.
– Vogl Nuus24 op Twitter