Man sterf toe hy voor 16-wiel-vragmotor beland
2011-12-03 20:21
Durban – 'n Man is dood toe 'n 16-wiel-vragmotor hom Saterdagoggend op die M13 in Gillitts, naby Durban, getref het, het paramedici gesê.
Die man, in sy 50's, het probeer om die pad oor te steek toe hy deur die vragmotor getref is, het Chris Botha, woordvoerder vir Netcare911, in 'n verklaring gesê.
Hy is op die toneel dood verklaar.
Die polisie ondersoek die saak.
– Volg Nuus24 op Twitter.
- SAPA