Man sterf, ses beseer ná botsing op N1
2011-12-23 12:45
Bloemfontein – 'n Man is dood en ses ander mense beseer nadat twee motors trompop op die N1 naby Bloemfontein gebots het, het paramedici gesê.
Jeff Wicks, woordvoerder van Netcare, het gesê een van die motors het in die aankomende laan beweeg en teen die ander motor gebots.
Die ongeluk het Donderdagaand plaasgevind.
Die bestuurder van een van die motors is op slag dood.
Die bestuurder en insittendes van die ander motor, insluitend twee kinders, is na 'n nabygeleë hospitaal gehaas.
– Volg Nuus24 op Twitter
- SAPA