Man sterf ná vrou hom met skelmpie betrap

2012-11-17 14:45

Johannesburg – 'n Man van Germiston het in die hospitaal gesterf nadat sy lewensmaat van die afgelope ses jaar, vermoedelik sy plakkershut aan die brand gesteek het, berig The Saturday Star.

Die vrou het hom met 'n ander vrou in die bed betrap, waarna sy petrol in die plakkershut in Delmo Park uitgegooi en die hut aan die brandg gesteek het.

'n Buurvrou het glo aan die vrou gesê haar kêrel, Thomas Mamuthubi, is ontrou.

Mamuthubi en sy minnares het uit die plakkershut ontsnap, maar hy het drie uur later weens sy beserings beswyk. Die omvang van die vrou se beserings is nie bekend nie.

Die beweerde brandstigter is later in hegtenis geneem en sal Maandag in die Boksburg-landdroshof verskyn.

– Volg Nuus24 op Twitter

- SAPA