Man sterf ná motorfiets vragmotor tref

2013-01-10 15:22

Johannesburg – 'n Man is dood ná hy met sy motorfiets in Randfontein, Johannesburg teen 'n vragmotor vasgejaag het, het paramedici gesê.

Die ongeluk het omstreeks 10:00 plaasgevind, het Chris Botha, woordvoerder vir Netcare 911, gesê.

"Paramedici het met hulle aankoms op die toneel die motorfietsbestuurder op die grond aangetref. Hulle het hom ondersoek, en vasgestel dat hy tragies op slag dood is weens die ernstige beserings wat hy opgedoen het," het hy gesê.

"Die vragmotorbestuurder is ongedeerd."

Botha het gesê die polisie sal die oorsaak van die ongeluk ondersoek.

– Volg Nuus24 op Twitter.

- SAPA