Man sterf ná aanranding
2010-02-11 00:31
Johannesburg - 'n 25-jarige man is dood ná hy in Mthatha in die Oos-Kaap aangerand is, het die polisie Woensdag gesê.
Kapt. Zamukulungisa Jozana, 'n polisiewoordvoerder, het gesê die voorval het omstreeks 15:00 Dinsdag in Zimbane plaasgevind.
"Die man en sy oom het gestry en hy is na sy bure se huis. Terwyl hy by die bure was, het sy oom gehoor hoe hy skree... hy het gehaas na die huis en hom met slaanmerke aan sy lyf in die huis gevind."
Die oom het hom na 'n hospitaal geneem, waar hy gesterf het.
'n Saak van moord word ondersoek. Niemand is nog in hegtenis geneem nie.
– Sapa