Man sterf in padwoede-aanval

2013-01-16 14:32

Bloemfontein – 'n Taxibestuurder van Mangaung is dood in 'n beweerde padwoede-voorval, het die polisie Woensdag gesê.

Ao. Zweli Mohobeleli het gesê die 46-jarige taxibestuurder is by 'n kruising in Phase 5 in Mangaung geskiet.

Die voorval het Dinsdagaand omstreeks 20:30 plaasgevind.

Volgens die polisie het 'n rusie ontstaan tussen die taxibestuurder en die bestuurder van 'n blou Toyota Corolla.

"Die verdagte het die oorledene vir sowat 300 m gevolg voor hy hom geskiet het," het Mohobeleli gesê.

'n Saak van moord word ondersoek.
     
– Volg Nuus24 op Twitter

- SAPA