Man sterf in ongeluk naby Amanzimtoti

2012-09-02 09:44

Johannesburg – 'n Man is dood en 'n ander een is beseer nadat hul bakkie vroeg Sondagoggend teen 'n geparkeerde vragmotor op die N2-noord in Amanzimtoti gebots het, het paramedici in KwaZulu-Natal gesê.

"'n Voorlopige ondersoek het getoon dat drie mense in 'n bakkie na Athlone Park gereis het toe hulle naby Oppenheimer-brug teen die agterkant van 'n vragmotor vasgery het," het Chris Botha, woordvoerder van Netcare 911, gesê.

Een van die passasiers is met die paramedici se aankoms op die toneel dood gevind.

'n Ander passasier het ernstige beserings opgedoen en is in 'n kritieke toestand.

Die derde passasier van die bakkie, die bestuurder, is ongedeerd.

Die beseerde man is na 'n plaaslike hospitaal geneem.

Die bestuurder word tans deur die polisie ondervra.

– Volg Nuus24 op Twitter.

- SAPA