Man steeds vermis langs KZN-kus
2011-08-08 10:05
Johannesburg – Reddingspanne is steeds op soek na ‘n man wat vermoedelik naby die monding van die Umgenirivier in Durban verdrink het, het die KwaZulu-Natalse polisie Maandag gesê.
Lt.kol. Vincent Mdunge sê die polisie se soek- en reddingspanne het vroeg Maandagoggend vir die man begin soek. Hy sê die spanne sal soek totdat die man gevind word.
Die man is na bewering seewaarts meegesleur terwyl hy Sondagoggend in die riviermonding by Blue Lagoon geswem het.
Mdunge sê die man, wat oorspronklik van die Oos-Kaap af kom, het saam met sy vriend en sy broer geswem.
Die soektog is Sondagaand uitgestel weens swak lig.
Volg Nuus24 op Twitter.
- SAPA