Man skok dood
2009-12-21 03:05
Johannesburg – ‘n 50-jarige man het Sondag by sy huis in Buccleuch doodgeskok, het paramedici in Johannesburg gesê.
Daar word vermoed dat die huis se krag af was en dat hy na die kragboks, wat teen die muur naby die sypaadjie is, gegaan het, het Netcare 911 woordvoerder Chris Botha gesê.
Die res van die inligting is nog onduidelik.
“Die man het op die sypaadjie gelê en nie beweeg nie. Paramedici het op die toneel aangekom en die man aan ‘n hartmonitor gekoppel. Hy is op die toneel dood,” het Botha gesê.
- Sapa