Man skiet rower, vyf ander vas
2009-09-26 04:56
Johannesburg – ‘n Slagoffer van ‘n gewapende rooftog het Vrydag een van sy ses aanvallers in Kliprivier doodgeskiet.
Volgens konst. Tikoane Sonopo was die 33-jarige man besig om in Eikenhofstraat te stap toe ‘n wit minibus-taxi langs hom gestop het. Ses mans het uitgespring en hom in die bosse langs die pad forseer.
Een van die aanvallers het bo-op hom gaan sit en ‘n mes teen sy keel gehou terwyl die ander mans sy ID-boek, selfoon, kontant en klere begin steel het.
Die man het dit reg gekry om sy rewolwer, wat hy by hom gehad het, te neem en die rower wat bo-op hom gesit het, te skiet.
Die ander vyf mans het toe in die minibus geklim en weggejaag.
Die polisie is gekontak en op pad na die toneel toe het hulle die minibus gewaar. Al vyf die verdagtes is in hegtenis geneem.
‘n Ander man het ook ‘n saak teen dieselfde rowers gemaak. Hulle het na bewering sy kruideniersware, selfoon en kontant by hom gesteel.
Albei die slagoffers se gesteelde besittings is in die minibus gevind.
- Sapa