Man skiet meisie, pleeg selfmoord by polisiestasie

2012-04-16 13:49

Pretoria – ‘n Polisieman het sy meisie by die Moot-polisiestasie in die hoofstad geskiet voordat hy homself om die lewe gebring het, lui berigte.

Die polisie sê die paartjie het Maandagoggend ‘n argument gehad toe die man ná sy aandskof-pligte na die polisiestasie teruggekeer het, het Eyewitness News berig.

Tshishikou Ndou, ‘n polisiewoordvoerder, sê die man het die vrou talle kere geskiet. Daarna het die man die vuurwapen op homself gerig.

Beeld berig die vrou is in ‘n kritieke toestand na ‘n hospitaal geneem waar sy later gesterf het.

Volg Nuus24 op Twitter