Man se liggaam in Houtbaai gevind
2010-08-14 17:46
Johannesburg – Die liggaam van ‘n 19-jarige man wat glo in Houtbaai verdrink het, is Saterdag gevind, het die Nasionale Seereddingsinstituut (NSRI) gesê.
Die man was na bewering by Duiker-eiland besig om te duik toe hy Vrydag vermis geraak het, het Craig Lambinon, woordvoerder van die NSRI gesê.
‘n Soektog is afgelas nadat die man se liggaam nie gevind kon word nie.
Die soektog het Saterdag voortgegaan en polisieduikers het die man se liggaam tussen rotse gevind.
Die polisie is besig met ‘n geregtelike doodsondersoek.
- Volg Nuus24 op Twitter.
- SAPA