Man probeer vrou met mes moor en toe verbrand
2010-07-16 04:49
Gauteng – ‘n Man van Brakpan is in hegtenis geneem nadat hy sy vrou met ‘n mes gesteek het en toe petrol oor haar uitgegooi het en haar aan die brand gesteek het.
Volgens polisie het die voorval Donderdag in Geluksdal plaasgevind.
Kapt. Petros Mabuza sê die voorval het plaasgevind nadat die vrou ‘n egskeiding uitvaardiging aan haar man oorhandig het.
Dit is glo Woensdag tydens die egpaar se egskeidingsaak, waarvoor die man nie opgedaag het nie, in die hof uitgereik.
"Die paartjie se seun het die vrou hoor huil. Hy het gaan ondersoek instel en gesien dat sy met ‘n mes gesteek is en petrol oor haar uitgegooi is,” het Mabuza gesê.
Die man het glo ook petrol reg oor die huis gegooi en die vrou se klere het aan die brand geslaan nadat hy die huis aan die brand gesteek het.
Die paartjie se seun (15), hul dogter (6) en die huishulp het die vrou na die badkamer geneem en die vlamme geblus. Sy is later na die hospitaal geneem met brandwonde oor sowat 35% van haar liggaam.
Die man is in hegtenis geneem en kan aangekla word van poging tot moord en brandstigting.
Volg Nuus24 op Twitter.
- SAPA