Man probeer SAPD-lid beroof
2009-08-21 15:53
Pretoria- ‘n Man is Vrydag doodgeskiet nadat hy probeer het om ‘n polisieman in Lyttelton te roof, berig die polisie in Pretoria.
“Die polisielid het na werk huis toe gestap met sy skootrekenaar by hom, toe twee mans uit ’n motor gespring en vuurwapens op hom gerig het,” het Aveline Hardaker, polisiewoordvoerder, gesê.
Nog voor die mans die polisielid kon roof het hy een van die rowers doodgeskiet.
“Die polisielid moes homself verdedig,” het Hardaker gesê. Die ander verdagte het in die motor gevlug.
“Die SAPD sal nie toelaat dat rowers lede van die polisie of die publiek aanval nie. Ons sal alles in ons vermoë doen om die ander verdagte op te spoor,” het Hardaker gesê.
–Sapa