Man smeek sy pa om sy kinders uit te los

2012-12-08 13:10

Johannesburg – 'n Man het sy pa gesmeek om sy kinders uit te los terwyl hulle in dieselfde huis bly, omdat die pa teregstaan op aanklagte van molestering, berig Beeld.

Die man het 'n brief aan die Brits-landdroshof geskryf oor wat gebeur het toe sy pa saam met hom en sy gesin gaan woon nie.

“Die rede hoekom ek hom gevra het... is omdat ek geweet het van die twee sake van kindermolestering teen hom en omdat hy my en my suster as kinders molesteer het.

“Ná ’n paar maande wat hy by my gebly het, het ek en my vrou uitgevind dat my pa my dogtertjie molesteer het,” het ’n man in ’n brief aan die Brits-landdroshof geskryf.

Sy 54-jarige pa staan in dié hof tereg nadat hy ’n 13-jarige meisie glo ontvoer en aan pornografie blootgestel het.

Volgens die berig het die man by sy seun gaan bly nadat hy sy werk verloor het en het sy seun gevra om 'n geheuekaart van sy foon te laat herstel of iemand te kry wat dit kan herstel.

“Ek het gevra hoekom dit so belangrik is dat die kaart herstel moes word. Toe sê my pa vir my hy het foto’s daarop waar hy saam met (die 13-jarige meisie se naam) slaap," lui die brief.

“Hy het vreeslik trots daarop gelyk en baie ander detail met my gedeel wat my erg omgekrap het."
      
– Volg Nuus24 op Twitter

- SAPA