Man pleeg selfmoord terwyl hy bestuur

2012-06-27 13:54

Pretoria – ‘n Man het glo Woensdag selfmoord gepleeg terwyl hy bestuur het, het ER24 gesê.

Volgens ‘n betroubare bron het die man homself omstreeks 12:00 op die R21 in die rigting van Pretoria in die kop geskiet waarna hy teen die versperrings in die vinnige baan vasgery het.

Die voorval het tussen die Olifantsfontein- en Nelmapius-afritte plaasgevind.

Die man het in ‘n grys Golf 5 gery.

Met paramedici se aankoms op die toneel was die man reeds dood, het Vanessa Jackson, woordvoerder van ER24, gesê.

– Nuus24

– Volg Nuus24 op Twitter

 

- SAPA