Man oorleef ongeluk 'wonderbaarlik'

2013-01-05 14:17

Johannesburg – 'n Man het Saterdag die dood wonderbaarlik vrygespring ná sy motor op die N2 omgeslaan het en 'n paar honderd meter ver op die dak gegly het, het paramedici gesê.

"Verslae dui daarop dat die man omstreeks 08:40 in 'n noordelike rigting gery het toe hy beheer oor sy voertuig verloor het, en dit omgeslaan het. Die wrak het 'n paar honderd meter verder op die middelman tot stilstand gekom," het Chris Botha, woordvoerder vir Netcare911, gesê.

Met hulle aankoms op die toneel het reddingswerkers gesien dat die man reeds deur omstanders by die motor se agterruit uitgetrek is.

Die man is na 'n nabygeleë hospitaal geneem vir behandeling.

Botha het die man se oorlewing as "wonderbaarlik" beskryf.

– Volg Nuus24 op Twitter.

- SAPA