Man oorleef drie swartmamba-byte
2010-03-12 14:14
Durban – ‘n Plaaswerker in KwaZulu-Natal se dik baadjie het sy lewe gered nadat ‘n swartmamba hom drie keer op die skouer gepik het, het paramedici Vrydag gesê.
“Die slang se tande kon nie deur die baadjie van die man se oorpak dring nie. Die bytmerke was sigbaar op die baadjie,” het Jeff Wicks van Netcare 911 gesê.
Die slang het glo opgekom en die man drie keer op die skouer gepik.”
Die plaaswerker het ‘n trekker in Richmond naby Pietermaritzburg bestuur toe hy oor die swartmamba gery het.
Daar word verneem dat die slang regop gekom het en probeer het om die man te pik.
“Paramedici is uitgeroep en het hulle na die toneel gehaas. Die man het gesond gelyk.
“As ‘n voorkoming is nie man hospitaal toe geneem,” het Wicks gesê.
- Sapa