Man oorleef 100 m-val van brug

2012-09-17 07:15

Durban – 'n Man is gered nadat hy Sondag 100 m ver van die Shongweni-brug in Pinetown geval het, het paramedici in KwaZulu-Natal gesê.

"Die 35-jarige man het by die kant van die brug afgeval en ooggetuies sê sy motor was naby die toneel geparkeer," het Vanessa Jackson, woordvoerder van ER24, gesê.

"Die omstandighede rondom die oorsaak hoekom hy geval het, sal deur die polisie ondersoek word."

Jackson het gesê die man het in die bosse geval en was met paramedici se aankoms op die toneel was die man by sy volle bewussyn en het gekla van pyn.

Volgens Jackson het dit byna twee uur lank geneem om die man op die brug te kry, waar hy verdere behandeling vir sy beserings ontvang het.

Sy het gesê ten spyte van die afstand van die val het die man slegs 'n gebreekte arm en moontlike rug- en nekbeserings opgedoen. Hy is na die Hillcrest-privaathospitaal geneem vir verdere mediese behandeling.

– Volg Nuus24 op Twitter

- SAPA