Man ontvoer, verkrag meisie
2010-07-12 23:05
Johannesburg – ‘n 28-Jarige man het ‘n 14-jarige meisie van haar huis in Swaneville ontvoer en herhaaldelik verkrag, het die polisie Maandag in Kagiso gesê.
“Die man het die meisie glo Saterdag met ‘n mes gedreig om saam met hom te gaan, terwyl haar ma in ‘n ander kamer geslaap het,” het ao. Solomon Sibiya gesê.
“Die meisie se ma het Saterdagaand gaan slaap en haar in die kombuis gelos, en eers wakker geskrik toe haar kêrel haar gevra het hoekom sy met die kombuisdeur oop slaap.”
Sy het verduidelik dat sy het haar dogter in die kombuis gelos het en aanvanklik gedink sy het net vinnig na haar vriende gegaan, het Sibiya gesê.
“Maar toe haar kind nie huistoe kom nie, het haar ma begin rondvra. Een van die buurmense het aan haar gesê hulle het gesien hoe ‘n man hul huis binnegaan.”
Volgens Sibiya het die polisie die meisie by die huis van ‘n man gevind wat deur die buurman as die indringer geïdentifiseer is.
Die tiener beweer die man het haar met die dood gedreig indien sy sou skree. Sy het ook erken hy het haar herhaaldelik verkrag.
Die polisie het die man gearresteer en hy sal Dinsdag in die landdroshof op Krugersdorp verskyn.
- Volg Nuus24 op Twitter.
- SAPA