Man moor vrou glo met vurk
2009-11-15 01:30
Johannesburg – ‘n Man is in hegtenis geneem vir die moord op sy vrou nadat hy haar glo met ‘n vurk doodgesteek het, het die polisie Saterdag gesê.
“Die Man is Vrydag by die Johannesburg Park-stasie in hegtenis geneem terwyl hy vir ‘n trein na die Oos-Kaap gewag het,” het kapt. Phillemon Khorombi gesê.
Die man is van Freedompark naby Eldoradopark in Johannesburg en is sedert 1 November vanjaar op vrye voet nadat hy glo sy vrou herhaaldelik tydens ‘n argument met ‘n vurk gesteek het.
Volgens Khorombi het die vrou haarself hospitaal toe bestuur waar sy later oorlede is.
- Sapa