Man lieg glo vir polisie oor rooftog
2010-09-03 01:16
Kaapstad – ‘n Dertigjarige man is vir meinedigheid in hegtenis geneem nadat hy ‘n vals rooftog aan die polisie gerapporteer het, het die polisie in die Wes-Kaap Donderdag gesê.
“Die man het erken dat hy gelieg het oor die rooftog wat kwansuis Donderdagoggend plaasgevind het, “ het ao. Bheki Xulu, polisiewoordvoerder, gesê.
Volgens Xulu het die man beweer dat drie verdagtes hom buite sy huis genader het en aangedring het op geld. Die verdagte het aan die polisie gesê dat hy verskeie steekwonde opgedoen het nadat ‘n geveg uitgebreek het tussen hom en die beweerde verdagtes.
Hy het verder beweer dat die verdagtes met sy selfoon en geld op die vlug geslaan het.
Die man sal Vrydag in Kaapstad in die hof landdroshof verskyn.
Volg Nuus24 op Twitter.
- SAPA