Man kritiek ná hy vriendin doodskiet

2012-11-06 12:28

Johannesburg – ‘n Jong vrou is vroegoggend in haar huis in Baziya, Mthatha, doodgeskiet, het Oos-Kaapse polisiebeamptes gesê.

Kol. Mzukisi Fatyela sê dit blyk dat die 27-jarige vrou se kêrel haar doodgeskiet het voordat hy die vuurwapen op homself gerig het.

Volgens die polisiewoordvoerder het die 35-jarige man omstreeks 06:00 na die vrou se huis gegaan. ‘n Onderonsie het ontstaan en die vrou is in haar bolyf geskiet.

Die man, wat homself in die kop geskiet het, is in ‘n kritieke toestand onder polisiebewaking in die Nelson Mandela- akademiese hospitaal.

Hy sal op aanklag van moord en die besit van ‘n onwettige vuurwapen in die hof verskyn sodra hy aangesterk het.

Volg Nuus24 op Twitter  

- SAPA