Man koelbloedig op N1 doodgeskiet
2010-04-30 09:53
Johannesburg - 'n Man is doodgeskiet terwyl hy Vrydagoggend op die N1 in Johannesburg gery het, het die polisie in Gauteng gesê.
Lt.kol. Lungelo Dlamini het gesê die polisie het die ongeïdentifiseerde man omstreeks 02:00 Vrydagoggend gevind.
"Hy het 'n skietwond aan sy kop gehad en sy motor het teen 'n betonmuur langs die N1-Noord gebots, het Dlamini gesê.
Die voorval het tussen die Rivonia- en Buccleuch- wisselaars plaasgevind.
Dlamini het gesê die oorsaak van die voorval is onbekend.
Daar word vermoed dat die man uit 'n ander motor geskiet is.
Geen ander inligting was onmiddellik beskikbaar nie.
– Sapa
Volg Nuus24 op Twitter