Man in oog gesteek tydens rooftog
2010-03-05 18:05
Johannesburg – Die eienaar van ‘n Chinese winkel is Vrydagoggend gedurende ‘n gewapende rooftog in die oog gesteek, het polisie in die Oos-Kaap gesê.
Drie mans het die winkel op Sutherlandstraat om 09:00 binnegegaan en aangedring op geld, waarna hulle die eienaar in die oog gesteek en kliënte met ‘n pistool gedreig het, het supt. Mzukisi Fatyela gesê.
Die rowers het gevlug nadat hulle R1 000 gesteel het.
“Twee van hulle het weggekom, maar een, wat ‘n speelgoedgeweer by hom gehad het, is in hegtenis geneem.
“Die een met die regte vuurwapen het weggekom met die geld. Ons hoop dat die inhegtenisname ons sal lei na die ander twee.”
Die man sal Maandag in die landdroshof in Mthatha verskyn op aanklagtes van gewapende roof en aanranding.
- Sapa