Man in hof wat suster glo verkrag
2013-01-04 07:47
Johannesburg – 'n Man wat na bewering saam met sy vriend sy 18-jarige suster verkrag het, het Donderdag in die Butterworth-landdroshof verskyn, het die Oos-Kaapse polisie gesê.
Die twee is steeds in aanhouding, en sal op 14 Januarie terug in die hof wees, het kapt. Jackson Manatha gesê.
Die slagoffer se broer, 'n 24-jarige man, is Woensdag in hegtenis geneem, en sy 29-jarige vriend is Dinsdag in hegtenis geneem.
Hulle het die tiener na bewering Sondag verkrag.
"Die tienermeisie is deur haar broer na sy kamer in die Ceru-township se Dyushu-gebied in Butterworth genooi... 'n Voorval van bloedskande het gevolg toe hy haar na bewering aangeval en verkrag het," het hy gesê.
"Ons dink dit is beplan, want ná hy [die broer] klaar was, het sy vriend glo ingekom en haar ook verkrag."
– Volg Nuus24 op Twitter.
- SAPA
