Man in hof wat dowe tiener glo verkrag

2013-01-11 15:44

Johannesburg – 'n Man van Limpopo wat na bewering 'n dowe tienermeisie verkrag het, het Vrydag in die Mankweng-landdroshof verskyn, het die polisie gesê.

Die man, 69, sal op 21 Januarie weer in die hof verskyn, wanneer hy om borgtog aansoek sal doen. Hy bly in aanhouding, het konst. Moses Molepo gesê.

Hy is Woensdag in hegtenis geneem vir die misdaad, wat na bewering Dinsdag gepleeg is.

Die 18-jarige meisie is aangeval toe sy haar huis se buitetoilet wou besoek.

"'n Familielid het die verdagte op heterdaad betrap," het Molepo gesê.

Die verdagte het van die toneel gevlug, maar is deur lede van die gemeenskap aangekeer, wat die polisie ontbied het.

– Volg Nuus24 op Twitter.

- SAPA