Man in hof wat bejaarde (82) verkrag

2012-10-11 18:01

Johannesburg – 'n Man het Donderdag in die landdroshof in Cetane in die Oos-Kaap verskyn vir die verkragting van 'n 82-jarige vrou," het die polisie gesê.

Kaptein Jackson Manatha het gesê die 25-jarige is Sondag, kort nadat die misdaad gepleeg is, by die Qombolo-nedersetting in hegtenis geneem.

Die bejaarde vrou was alleen tuis toe die verdagte aan haar deur geklop het. Hy het homself as haar kleinkind geïdentifiseer en sy het hom binne gelaat.

"Toe die man eers in die huis was, het hy aangedring op geld. Die slagoffer het nie geld gehad nie en die man het haar toe verkrag," het Manatha gesê.

Die verdagte het gevlug, maar inwoners het hom vasgetrek en aan die polisie oorhandig.

Hy sal in aanhouding bly tot sy volgende hofverskyning op 17 Oktober.

Volg Nuus24 op Twitter.

- SAPA