Man in hof vir wraakmoord

2012-11-09 18:01

Johannesburg – 'n 20-jarige man wat aangekla word van die moord op 'n 18-jarige skoolvriend het Vrydag in Klerksdorp se landdroshof verskyn, het die polisie in Noordwes gesê.

'n Polisiewoordvoerder het gesê die verdagte is borgtog van R1 000 toegestaan.

"Hy sal op 20 Desember weer in die hof verskyn terwyl die polisie ondersoek voortgaan," het die woordvoerder gesê.

Die man word daarvan verdink dat hy die tiener Woensdag in 'n wraakaanval by die Tshedimosetso Hoërskool in Jouberton vermoor het.

Volg Nuus24 op Twitter.