Man in hof ná hy meisie in Roodepoort gryp

2011-10-21 13:21

Johannesburg – Die saak teen 'n man wat glo 'n 18-jarige meisie buite Hoërskool Die Burger in Roodepoort wou ontvoer, is Vrydag uitgestel.

Mohammed Adams (21) het in die Roodepoort-landdroshof verskyn nadat hy Woensdag in hegtenis geneem is toe hy die meisie wou gryp.

Die vermoorde Louise de Waal is ook verlede week buite dié skool in Florida ontvoer.

Die saak is tot 2 November uitgestel.

Adams se familie het in trane uitgebars toe die landdros sê die saak is uitgestel.

Sy familielede het geweier om met die media te praat en gesê die koerante het leuens geskryf.

Die meisie het Woensdagoggend 06:00 op 'n sypaadjie naby die skool gesit toe Adams haar na bewering met 'n skroewedraaier dreig en haar forseer het om in die kattebak van sy motor te klim.

'n Sekuriteitswag van die skool het gesien wat gebeur en het die polisie in kennis gestel.

– Volg Nuus24 op Twitter

- SAPA