Man doodgesteek oor misverstand
2010-09-10 21:57
Johannesburg – ‘n Man wat herstelwek aan radio’s doen is in die Tyinira nedersetting in Ngqamakwe dood as gevolg van ‘n misverstand met ‘n ander man, het polisie in die Oos-Kaap Vrydag gesê.
Volgens woordvoerder kapt. Jackson Manatha het die 37-jarige man die herstelman in die nek gesteek en hy is op slag dood.
Polisie was nog nie seker wat die misverstand was nie.
“Dit is moeilik om vas te stel wat die misverstand is, as een van die mans dood is. Maar ons is besig om ondersoek in te stel,” het Manatha gesê.
Die man is in hegtenis geneem en sal volgende week in die hof verskyn.
Volg Nuus24 op Twitter
- SAPA