Man doodgeskok op trein
2010-03-19 15:42
Durban – ‘n Man wat op ‘n trein se dak gery het, het Vrydagoggend in Umhlali in KwaZulu-Natal doodgeskok, het Metrorail gesê.
“Dit was onbekend of die man op die dak van die trein geklim het. Daar word verneem dat hy op die dak gery het. Ons beskermingsdienste is besig om ondersoek in te stel,” het Thandi Mkhize, woordvoerder vir Metrorail, gesê.
Die treindrywer het glo opgemerk dat daar ‘n fout was met sy oorhoofse kabels en het die bokant van die trein ondersoek. Gevolglik het hy die man, wat reeds dood was, gevind.
“Ons het verskeie veldtogte waar ons vir mense op die trein van veiligheid leer,” het Mkhize gesê.
Polisie-woordvoerder kapt. Khephu Ndlovu het bevestig dat die man Vrydagoggend dood op die trein se dak gevind is.
- Sapa