Man doodgeskiet tydens skietery op polisie

2010-12-24 22:41

Johannesburg – ‘n Jong man is Vrydag in die Alphandale informele nedersetting naby Cambridge doodgeskiet nadat hy en drie ander op die polisie geskiet het, het polisie in die Oos-Kaap gesê.

Volgens kapt. Mluleki Mbi was twee konstabels uit in Alphandale nadat hulle ‘n oproep ontvang het toe hulle omstreeks 13:00 op drie mans afgekom het wat op hulle begin skiet het.

“Die polisie het toe teruggeskiet en een man in sy twintigs is op die toneel doodgeskiet.”

Die ander twee het gevlug.

Die twee polisie-beamptes was nie beseer nie en daar is beslag gelê op ‘n 9mm pistool.

Volgens Mbi was die rede vir die skietery onbekend.

“’n Mens kan maar die aanname maak dat hulle betrokke was in kriminele aktiwiteite.”

Polisie glo dat die ander twee mans bekend is in die omgewing.

Volg Nuus24 op Twitter
 

- SAPA