Man by sy huis doodgesteek
2012-02-12 17:00
Johannesburg – ‘n Man is tydens ‘n argument by sy huis in Despatch doodgesteek, het die Oos-Kaapse polisie gesê.
Die 31-jarige man, wat in die Khayamnandi- informele nedersetting gewoon het, was Saterdagmiddag met ‘n vriend by sy huis toe drie ander mans opgedaag het, het lt.kol. Priscilla Naidu gesê.
Naidu sê ‘n argument het ontstaan en die 31-jarige man het een van die ander mans met ‘n mes aangeval.
Die beseerde man het die toneel verlaat, maar het later teruggekeer en sy aanvaller in die kop gesteek.
Die man het ineengestort en in die straat gesterf.
Die polisie het die 29-jarige beseerde man by sy huis in hegtenis geneem. Hy is na ‘n hospitaal geneem.
Naidu sê die man word van moord aangekla.
Volg Nuus24 op Twitter
- SAPA