Man brand dood in motorongeluk
2010-07-29 22:18
Kaapstad – Een man is dood en ‘n ander een ernstig beseer nadat hulle op die N1 naby die Atterbury-afrit in Pretoria in ‘n motorongeluk was.
Die presiese details van die ongeluk, wat omstreeks 19:00 plaasgevind het, sal deur die polisie ondersoek word.
Toe Netcare 911-paramedici en die brandweerdepartement by die toneel opdaag, het hulle die verwronge oorblyfsels van beide voertuie op die snelweg gevind, het Chris Botha, woordvoerder, gesê.
Volgens Botha het een van die voertuie aan die brand gesteek.
Die bestuurder van dié voertuig was nog in die motor vasgekeer.
Hy is dood weens die ernstige brandwonde wat hy opgedoen het.
Die bestuurder van die tweede voertuig het ernstige beserings opgedoen.
Hy is na ‘n plaaslike hospitaal geneem nadat paramedici hom op die toneel gestabiliseer het.
- Nuus24
Volg Nuus24 op Twitter.