Man beswyk aan beserings ná trein hom tref
2011-07-30 12:34
Johannesburg – 'n Man is dood ná hy Saterdagoggend oënskynlik naby Fisantekaal deur 'n trein getref is, het paramedici in Kaapstad gesê.
"[Ons] het 'n oproep ontvang dat 'n man in sy twintigs langs die treinspoor gevind is met ernstige beserings, en daar was geen trein in sig nie," het Andre Visser, woordvoerder vir ER24, gesê.
Die man het ernstige beenbreuke opgedoen en sy regterarm is gedeeltelik afgesny. Hy is in 'n nabygeleë hospitaal dood.
– Volg nuus24 op Twitter.
- SAPA