Man beskuldig van moord op vriend
2012-01-31 20:49
Johannesburg – Die saak teen ‘n man wat daarvan beskuldig word dat hy sy vriend doodgesteek het, is in die Zeerust-landdroshof tot 8 Februarie uitgestel, het die polisie in Noordwes Dinsdag gesê.
Joseph Tsibogo, wat Maandag in die hof verskyn het, sal na verwagting met sy volgende verskyning formeel om borgtog aansoek doen, het kapt. Amanda Funani gesê.
Tsibogo (24) is Saterdag in hegtenis geneem kort nadat hy Sello Monageng doodgesteek het tydens ‘n spel met dobbelstene in die straat.
“Toe ‘n argument oor geld tussen die twee ontstaan het, het Tsibogo ‘n mes uitgehaal en die 25-jarige Monageng een maal in die bolyf gesteek,” het Funani gesê.
Hy is met sy aankoms by die Zeerust-hospitaal dood verklaar. Volgens Funani het die polisie Tsibogo met die moord verbind nadat ‘n bloedbevlekte mes in sy besit gevind is.
- Volg Nuus24 op Twitter
- SAPA