Man (62) vas ná hy 12-jarige verkrag

2012-11-22 06:50

Johannesburg – 'n Man (62) is in Soweto in hegtenis geneem nadat hy 'n 12-jarige verkrag en twee ander meisies seksueel aangerand het, het die polisie gesê.

Polisiewoordvoerder Kay Makhubela het gesê die man, wat van Zola in Soweto is, is Woensdagmiddag vasgetrek.

"Hy het na bewering 'n 12-jarige meisie verkrag en twee meisies, wat onderskeidelik 13 en 15 jaar oud is, seksueel aangerand," het hy gesê.

Die verdagte besit 'n spaza-winkel in die gebied en het geld aan die meisies gegee nadat hy hulle aangerand het.

"Die 12-jarige het gesê hy het haar R10 gegee. Sy het ook gesê dat dit nie die eerste keer is dat sy deur die man verkrag is nie," het Makhubela gesê.

Volgens die polisie sal die 15-jarige wat by pleegouers woon, uit hul sorg verwyder word.

Die verdagte sal Vrydag in die Protea-landdroshof verskyn.

Volg Nuus24 op Twitter.

       

- SAPA