Man 102 jaar tronk toe vir reeks misdade
2011-11-11 20:06
Durban – ‘n Man van KwaZulu Natal is ‘n tronkvonnis van
102 jaar opgelê nadat hy oor 'n tydperk van ses maande ‘n reeks misdade gepleeg het.
Sibusiso Liberty Mtshali (25) is skuldig
bevind aan 15 misdade wat hy tussen Desember 2008 en April 2009 gepleeg het,
het kaptein Thulani Zwane in ‘n verklaring gesê.
Hy is onder andere aan moord, poging tot
moord, diefstal, ontvoering, verkragting en die besit van ‘n ongelisensieerde
vuurwapen skuldig bevind.
In Desember 2008 het hy op ‘n groep mense wat
opsoek was na hul vee in Isikebhe begin skiet.
Hy het na ‘n ruk nie meer ammunisie oorgehad
nie en het een van die slagoffers probeer keelafsny.
Die volgende maand het hy twee mense in Bhadeni van hul kontant en selfone beroof en gedreig
om hulle met ‘n kettie te skiet.
Daarna het hy ‘n paartjie ontvoer, die man
weggejaag en die vrou verkrag.
In April 2009 het hy ‘n man doodgeskiet en ‘n
ander beseer toe hy ‘n winkel in Paulpietersburg beroof.
Mtshali is in Julie 2009 in Paulpietersburg in
hegtenis geneem en 'n ongelisensieerde vuurwapen is in sy besit gevind.
Volg Nuus24 op Twitter.
- SAPA