Mamelodi-Oos rustig ná geweldadige betogings
2010-03-10 10:43
Johannesburg – Die situasie in Mamelodi-Oos in Pretoria was rustig Woensdagoggend ná geweldadige betogings vroeër, het die polisie gesê.
“Die polisie is nog besig om die situasie te monitor, maar dit is sedert Dinsdagmiddag al rustig,” het kapt. Johannes Maheso gesê.
Console Tleane, die woordvoerder vir die Tshwane-munisipaliteit, het Dinsdag gesê dat betogers met lewendige ammunisie op die brandweer geskiet het, polisie-beamptes met klippe gegooi en verskeie paaie in Mamelodi-Oos versper het.
Die betogings hou glo verband met inwoners se ongeduld oor ‘n agterstand in behuising van die regering.
Inwoners van Hammanskraal het ook Maandagaand betoog, maar die situasie is voor middernag onder beheer gebring.
Inwoners naby Hebron het ook betoog, sowel as in Soshanguve, en gekla oor die regering se stadige behuising proses.
- Sapa