Malema weer in hof
2009-08-27 14:04
Johannesburg – Die leier van die ANC-jeugliga, Julius Malema, sal na verwagting Maandag weer in die hof verskyn.
Malema moet weer voor die gelykheidshof in Johannesburg verskyn weens aanmerkings wat hy gemaak het oor ‘n vrou wat pres. Jacob Zuma van verkragting aangekla het.
Die voortsetting van die saak volg kort op die hakke van Malema se onlangse mediavertoning op OR Tambo Internasionale Lughawe. Malema het luidkeels in die bres getree vir Caster Semenya, die vroueatleet wat in die middel van ‘n geslagstoets-skandaal staan.
Malema het tydens 'n saak waarin 'n vrou Zuma van verkragting aangekla het, gesê diegene wat 'n "lekker tyd" gehad het, wag tot die son opkom en vra dan vir ontbyt en taxi-geld.
Hy het verder gesê dat die vrou wat die klag teen Zuma gelê het vir beide ontbyt en taxi-geld gevra het.
Sonke Gender Justice Network het Malema hof toe gesleep oor dié aanmerkings.
- Sapa