Malema waarsku Tito oor uitlatings
2009-10-13 05:00
Empangeni – Tito Mboweni gaan nie ‘n goeie posisie in die ANC kry as hy aanhou om te sê dat Suid-Afrikaanse myne nie genasionaliseer gaan word nie, het Julius Malema, die president van die ANC Jeugliga, Maandag gesê.
“Ons wil nie Tito se verklaring hê dat die myne nie genasionaliseer gaan word nie. Tito is niks in die ANC nie. As hy aanhou gaan hy nie goed benut word nie,” het Malema aan die studente by die Universiteit van Zululand se Empangeni kampus gesê.
Die jeug-vleuel sal seker maak dat Suid-Afrikaanse myne genasionaliseer word sodat die inkomste wat gegenereer word gebruik kan word om dienslewering te verbeter.
“Ek wil vir julle sê dat belasting alleen na mense in Botswana kan omsien. In Botswana besit De Beers 49% en die regering 51%. Die geld wat in myne gemaak word, word gebruik om mense se lewens daar te verbeter.
Volgens Malema het die ANC Mboweni vir ‘n lang tyd gemonitor en is sy kontrak as president van die Reserwebank nie hernu nie as gevolg van sy gedrag.
“Ons weet dat hy voor Polokwane sieninge oor president Jacob Zuma gehad het. Ons weet dat hy nie van Zuma gehou het nie.”
Daar was protes in die media toe Malema eers ‘n beroep op Suid-Afrikaanse myne gedoen het om genasionaliseer te word.
- Sapa