Malema-vriend se saak van rol geskrap

2013-01-22 17:53

Johannesburg – ‘n Saak van crimen injuria teen Boy Mamabolo, ‘n voormalige vriend van Julius Malema, is voorloping van die hofrol geskrap.

Die oorsprong van die beledigende SMS wat hy na bewering aan die geskorste leier gestuur het, moet eers bevestig word, het brig. Hangwani Mulaudzi gesê.

“Hierdie [die saak se terugtrekking] is hangende die uitslae van die plaaslike kriminele rekordsentrum.”

Mulaudzi sê dis noodsaaklik om vas te stel of Mamabolo die boodskap gestuur het. Die saak sal na die hof teruggestuur word sodra die uitslae bekend is.

Mamabolo het na bewering gedreig om die oorskot van Malema se ma, Mahlodi Malema, op te grawe en dit voor sy ouma se huis in Seshego te strooi.

“Hierdie keer wil ek jou wys dat ek meer brutaal is, en Mahlodi uit haar graf opgrawe en haar voor [jou ouma se huis] neerlê. Jy het baie slegte dinge aan my gedoen,” het die boodskap gelees.

Volg Nuus24 op Twitter  

- SAPA