Malema verdedig 'mama' Winnie

2012-07-21 10:25

Johannesburg – Die voormalige jeugliga-leier Julius Malema, het in die bres getree vir Winnie Madikizela-Mandela nadat sy deur die ANC se sekretaris-generaal, Gwede Mantashe, gekritiseer is, het die Saturday Star berig.

"Mama het nie vir Mantashe nodig nie," is Malema deur die Star aangehaal.

"Sy was lank voor Mantashe reeds deel van die struggle gewees. Nie eers die boere kon haar stilkry nie. Hy [Mantashe] oordryf sy eie mag en invloed."

Mantashe het gesê Madikizela-Mandela is "ongedissiplineerd" nadat sy vroeër die week saam met Malema en ander geskorste jeugliga-lede verskyn het.

Malema het ook Mantashe se vertoning as sekretaris-generaal gekritiseer deur te sê hy het "baie simpel foute" vir die ANC gemaak.

Die voormalige jeugleier het beloof dat Mantashe sy posisie sal verloor by die ANC se verkiesingskonferensie wat Desember in Mangaung plaasvind.

Volg Nuus24 op Twitter.

- SAPA