Malema-vennoot onder kuratorskap geplaas

2013-01-20 14:44

Johannesburg – Julius Malema se sakevennoot en vertroueling Lesiba Gwangwa is onder voorlopige kuratorskap geplaas, berig Sunday Independent.

Dít is 'n poging deur die Suid-Afrikaanse Inkomstediens (SAID) om miljoene rande in onbetaalde belasting van die eens magtige en invloedryke sakeman van Limpopo te verhaal.

SAID wil die 33-jarige sakeman se 16 eiedomme en voertuie – wat miljoene rande werd is – verkoop.

Sy naam het verskeie kere opgekom in ondersoeke na korrupsie, wat verband hou met staatstenders in Limpopo.

Die koerant kon nie vasstel hoeveel die man, wat Mr. Cash genoem word, skuld nie, maar die bedrag word op miljoene rande geraam. Jan Taks wil dus elke transaksie van Gwangwa nagaan.

SAID het verlede week 'n aansoek by die Pretoriase hooggeregshof indien. Die voorlopige bevel gee Gwangwa tot 15 Februarie kans om redes te verskaf hoekom dit nie gefinaliseer moet word nie.

– Lees meer hier

– Volg Nuus24 op Twitter