Malema swyg oor SAID-aansoek

2013-02-01 14:36

Johannesburg – Julius Malema, die voormalige leier van die ANC-jeugliga, weier om kommentaar te lewer op die Suid-Afrikaanse Inkomstediens (SAID) se aansoek om hom te laat sekwestreer, berig die SABC.

Hy het gesê dit is 'n saak tussen hom en die SAID.

Malema se prokureurs het vroeër bekend gemaak dat hy die inkomstediens se aansoek gaan teenstaan.

Luidens dokumente wat vandeesweek by die Pretoriase hooggeregshof ingedien is, skuld Malema die SAID R16 miljoen en is “feitelik insolvent en in geen posisie om sy skuld aan die SAID te betaal nie.”

Indien die aansoek suksesvol is of nie teengestaan word nie, sal al Malema se eiendomme onder kuratorskap geplaas en opgeveil word om sy skuld af te betaal.

Dit sluit in sy huise in Sandton en Polokwane, ‘n kleinhoewe en ‘n plaas buite die hoofstad van Limpopo.

Die aansoek dien op 27 Februarie voor die hof.

– Volg Nuus24 op Twitter