Malema steun Chuene
2009-10-01 12:50
Johannesburg – Julius Malema, die leier van die ANC-jeugliga, het Donderdag sy ondersteuning vir Leonard Chuene, die president van atletiek Suid-Afrika (ASA) uitgespreek.
Hy het gevra dat borge soos Nedbank getrou bly aan die organisasie.
“Ons glo dat die pogings om hom as president te skors vir sy opregte pogings om Caster Semenya te beskerm opportunisties is en moet verwerp word,” het Malema aan verslaggewers in Johannesburg gesê.
Hy het gesê dat die ANCYL met Chuene ontmoet het om die Semenya geslagstoetsing saga te bespreek en dat hy (Chuene) gesê het dat hy sal bedank as dit is wat die land se leierskap wil hê.
Maar Malema het gesê dat die ANCY aan Chuene gesê het dat dit nie vir hom nodig sal wees om te bedank nie.
Malema het ook ‘n versoek op borge gedoen om betroubaar aan ASA te bly.
“Nedbank dreig dat hulle gaan onttrek...laat hulle onttrek,” het Malema gesê.
Hy het ook gevra hoekom nie een van die drie Suid-Afrikaanse medalje-wenners van die Wêreld Atletiekkampioenskappe borgskappe aangebied is nie.
Die maatskappye ondersteun nie hierdie kinders van Afrika nie,” het hy bygevoeg.
- Sapa