Malema sê weermag 'oorreageer'

2012-09-12 13:41

Johannesburg – Julius Malema sê Suid-Afrika se nasionale verdedigingsmag het oorreageer deur alle militêre basisse op ‘n hoë gereedheidsaanslag te plaas voor sy toespraak wat hy binnekort naby ‘n basis in Lenasia, suid van die stad, gaan lewer.

Eyewitness News berig die geskorste leier van die ANC se jeugliga word van aanhitsing aangekla en ook daarvan beskuldig dat hy die weermag wil destabiliseer.

Malema het vroeër gesê soldate het hom gevra om na hul griewe te luister, aangesien die regering glo nie na hulle luister nie.

Intussen het Suid-Afrika se minister van verdediging die gewese jeugleier gewaarsku dat hy nie soldate by sy toespraak mag aanhits nie.

Nosiviwe Mapisa-Nqakula het ook ‘n beroep op troepe gedoen om nie die omstrede politikus se toespraak by te woon nie.

Volg Nuus24 op Twitter