Malema se optrede 'gevaarlik' vir demokrasie
2010-06-18 16:25
Kaapstad - 'n Politieke analis het gewaarsku dat die optrede van die ANC Jeugliga-leier Julius Malema tydens die liga se konferensie in Makhado in Limpopo, 'gevaarlik' kan wees vir demokrasie.
Eusebius Mckaiser van IDASA het gereageer op 'n video wat die nuusagentskap Timeslive aan hom gewys het. In hierdie video kan gesien word hoe Malema in April vanjaar polisielede beveel om van sy teenstaanders by die konferensie te verwyder.
Mckaiser het gesê die politici se gebruik van polisie moet as "die laaste uitweg" beskou word.
Die ANC Jeugliga in Limpopo het egter ontken dat die omstrede Malema polisie gebruik om sy teenstaanders uit die weg te ruim.
- Vir die volledige berig en video, besoek Timeslive.